Жорий мавсумда "Олмалиқ" сафига “Андижон”дан келиб қўшилган дарвозабон Хуршид Ходжаев сўнгги тўрт учрашувда муносиб иштирок этди.
Хуршид ўз дарвозаси даҳлсизлигини сақлаш бўйича шахсий рекордини янгилади. У 2016 йилги мавсумнинг сўнгги беш учрашувида рақиб футболчиларига гол уриш имконини бермаганди. Умумий ҳисобда Ходжаевнинг “қуруқ” серияси 2016 йил 24 сентябрдан бошланган. Ўша куни “Андижон” сафарда “Машъал”га йирик 0:5 ҳисобида мағлубиятга учради. Учрашувда бешинчи гол 80-дақиқада Зоҳир Қўзибоев томонидан киритилганди. Шу баҳсда бешта тўп ўтказиб юборган Хуршидни кечаги баҳсга қадар 811 дақиқа бирор футболчи хафа қила олмади.
Ходжаевнинг гол ўтказмаган ўйинлари статистикаси қуйидагича:
Сана Учрашув Дақиқа
24.09.2016 “Машъал” – “Андижон” 5:0 10
22.10.2016 “Андижон” – “Металлург” 0:0 90
29.10.2016 “Олмалиқ” – “Андижон” 0:0 90
03.11.2016 “Андижон” – “Бунёдкор” 0:0 90
16.11.2016 “Обод” – “Андижон” 0:0 90
22.11.2016 “Андижон” – “Навбаҳор” 1:0 90
07.04.2017 “Олмалиқ” – “Насаф” 1:0 90
14.04.2017 “Обод” – “Олмалиқ” 0:1 90
22.04.2017 “Олмалиқ” - “Қизилқум” 0:0 90
29.04.2017 “Нефтчи” – “Олмалиқ” 1:1 81
ЖАМИ 811
Сўнгги 15 йилликда олий лигада қайд этилган кўрсаткичлар билан таққосласак, Ходжаев натижаси биринчи ўринда турибди.
2006 йил Игнатий Нестеров (Пахтакор) 9 ўйинда 750 дақиқа (12.03.2006дан 12.11.2006гача)
2012-2013 йил Игнатий Нестеров (Бунёдкор) 10 ўйинда 719 дақиқа (08.10.2012дан 14.04.2013гача)
2008 йил Павел Бугало (Бунёдкор) 9 ўйинда 679 дақиқа (17.08.2008дан 09.11.2008гача)
2002-2003 йил Игнатий Нестеров 8 ўйинда 675 дақиқа (03.08.2002дан 18.03.2003гача)
2016 йил Мурод Зуҳуров (Бунёдкор) 7 ўйинда 665 дақиқа (17.09.2016дан 17.11.2016гача)
