"Yuventus" himoyachisi Daniel Alves YECHL yarimfinalida "Monako" bilan uchrashuv oldidan fikrlarini bildirdi.

"Monako"ni mensimaslik? Eng katta xavf - bu "Barselona"ni yengib, chempionlar ligasida g‘olib bo‘ldik, deya o‘ylaganimizdir. O‘yinlar tugagani yo‘q, sovrin esa hali egasini topgani yo‘q.

Fransiyaga shunchaki safar bo‘lmaydi. "Monako" erkin va xavfli usulda o‘ynaydi. Xotirjamlikni saqlab, bor kuchimizni ishga solishimiz kerak.

Bizda yana YECHL finalga chiqish imkoniyati bor, bu bizga turtki beradi. "Yuventus" oxirgi yillarda ko‘p narsani boshdan kechirdi, ammo bu sovrinni yutmadi. Finalga chiqsak xato qilmasligimiz kerak.

Biz hali hech narsa bajarmadik, ammo juda yaqinmiz. Biz ajoyib tarix yozishimiz mumkin, men shuning uchun bu yerga kelganman", - deydi Alves.