"Ювентус" ҳимоячиси Даниэл Алвес ЕЧЛ яримфиналида "Монако" билан учрашув олдидан фикрларини билдирди.
"Монако"ни менсимаслик? Энг катта хавф - бу "Барселона"ни енгиб, чемпионлар лигасида ғолиб бўлдик, дея ўйлаганимиздир. Ўйинлар тугагани йўқ, соврин эса ҳали эгасини топгани йўқ.
Францияга шунчаки сафар бўлмайди. "Монако" эркин ва хавфли усулда ўйнайди. Хотиржамликни сақлаб, бор кучимизни ишга солишимиз керак.
Бизда яна ЕЧЛ финалга чиқиш имконияти бор, бу бизга туртки беради. "Ювентус" охирги йилларда кўп нарсани бошдан кечирди, аммо бу совринни ютмади. Финалга чиқсак хато қилмаслигимиз керак.
Биз ҳали ҳеч нарса бажармадик, аммо жуда яқинмиз. Биз ажойиб тарих ёзишимиз мумкин, мен шунинг учун бу ерга келганман", - дейди Алвес.