FAKTLAR, RAQAMLAR, STATISTIK KO‘RSATKICHLAR. Bizning klublar 5-turda yutqazishmadi. Xususan, bosim qolmagach, chiroyli o‘ynagan «Bunyodkor» 3 yillik tanaffusdan so‘ng guruh bosqichida nihoyat, yana g‘alaba ko‘chasiga kirdi va bu ortda qolgan turning eng e’tiborli voqealaridan biridir. «Lokomotiv» o‘yinidagi 4:4 natijasi ham turnir tarixidan joy oldi. Eng e’tiborli fakt: finishga 1ta tur qolgan holatda keyingi raund masalasini atigi 6ta jamoa hal qildi, xolos. Bu ham kam kuzatiladigan holat. Xullas, hali 10ta yo‘llanma taqdiri ochiq turibdi.
«A» guruhi
*** Hamyurtimiz Marat Bikmayev OCHL-2017 guruh bosqichidagi birinchi «xet-trik»ni rasmiylashtirdi. Vaholanki, o‘tgan yili «Seul» hujumchisi Karlos Adriano guruh raundining dastlabki 2ta turida bittadan «poker» va «xet-trik» qayd etgandi. Qolaversa, o‘tgan mavsum «Paxtakor» hujumchisi Igor Sergeev ham xuddi Bikmayev kabi 5ta turda 5ta gol urib, to‘purarlar ro‘yxatida borgandi.
*** Saudiya klublarining bizning jamoalarga qarshi o‘yinlardagi umumiy statistikasi: 56ta o‘yin, 30ta g‘alaba, 15ta durang, 11ta mag‘lubiyat. To‘plar nisbati: 102-52. Saudiyaliklardan umumiy hisobdagi 100-golni Jihad al Husayn («Al-Tavon») urgan bo‘lsa, vakillarimizning 50-gollari Marat Bikmayev nomiga yozildi.
*** «Al-Tavon»ning joriy mavsumdagi 1 va 2-goli o‘rtasidagi o‘yin vaqti 265 daqiqani tashkil etgandi. E’tiborlisi, bu jamoa Toshkenda 73 daqiqa ichida 4ta gol urdi.
«B» guruhi
*** «Al-Jazira» - «Lahviya» o‘yinini stadionda atigi 36 muxlis kuzatdi. Bungacha 2-tur doirasidagi bahsda «Muhammad bin Zayd» arenasiga 322 muxlis kirgandi. Ha, bunday «anshlag» faqat Osiyoda kuzatilsa kerak. OCHL tarixidagi ushbu antirekord endi yangilanmasa kerak-ov...
*** «Al-Jazira» bosh murabbiyi Xenk tan Kate Gollandiya terma jamoasidan taklif olyapti. Vaholanki, bu klub avvalgi turdayoq keyingi bosqichga chiqish umidini uzgandi.
*** «Al-Jazira» safiga 2016 yilning 28 iyulida qo‘shilgan marokashlik Muborak Bussufa OCHLdagi gollari hisobini ochdi. Bu futbolchi yevrokuboklarda 7ta gol urgandi.
«C» guruhi
*** «Bunyodkor» 2014 yilning 23 aprelida «Al-Jaish» (Qatar)ni 2:1 hisobida yengganidan buyon guruh bosqichida g‘alaba nimaligini bilmay kelayotgandi. Mana, jamoa 3 yilu 1 kundan so‘ng «qora» seriyasiga barham berdi. Orada g‘alabasiz o‘yinlari soni 16taga yetgandi. Umuman, «Bunyodkor» OCHLda 80-o‘yini o‘tkazdi.
*** «Bunyodkor» OCHLda 7-marta (saralash raundlarini ham inobatga olganda) 2:0 hisobida zafar qozondi. Jamoa bularning 4tasini o‘z maydonida, 3tasi esa safarda qayd etgan.
*** Akram Komilov 2014 yili oliy ligada 1ta gol urganidan buyon chempionatda boshqa samarali zarba bermadi. Asli qo‘qonlik himoyachi OCHLdagi 16-o‘yinida turnirdagi ilk golini nishonladi.
*** Eldor Shomurodov 2016 yilning fevralida saralash bosqichi doirasida
