«Yuventus» himoyachisi Daniel Alves Chempionlar ligasidan o‘rin olgan «Monako» klubiga qarshi o‘yinlar haqida gapirdi.

«Monako»ni mensimaslik? «Barselona»ni yutib, Chempionlar ligasi g‘olibi bo‘ldik deb o‘ylash – eng katta xavfdir. Hali musobaqa tugamadi, sovrin hech kimga nasib qilmadi.

Fransiyaga safarimiz yengil o‘tadi deb o‘ylamaslik kerak. «Monako» erkin va juda xavfli uslubda o‘ynaydi.

Xotirjamlikni saqlagan holda, mavsumning muhim bosqichida bor kuchimizni berishimiz kerak.

Biz yana Chempionlar ligasi finaliga chiqishimiz mumkin, bu esa ilhomlantirmoqda. «Yuventus» so‘nggi mavsumlarda ko‘p natijalarga erishdi, ammo aynan shu sovrinni yutib ololmadi. Agar yana finalga chiqsak, xatolarga yo‘l qo‘ymasligimiz shart.

Biz tarixga kirmoqchimiz, barcha musobaqalarda g‘olib chiqmoqchimiz. Mavsum oldidan shuni maqsad qilgan edik. Biz hali hech narsaga erishmadik, ammo bunga juda yaqinmiz» - dedi Alves.