Bugun tunda biz ikkinchi yarim finalning ilk o‘yinini tomosha qilamiz.
“Real” “Atletiko”ni Ronaldu yordami bilan yirik hisobda yengdi va finalga chiqish uchun katta qadam tashladi. Bugun esa nufuzli turnirning ikkinchi yarim finalini ko‘ramiz. “Monako” o‘z uyida “Yuventus”ni qabul qiladi. Ikki yil muqaddam turinliklar “Monako”ni Chempionlar Ligasidan chiqarib yuborishgan va ehtimol bilan bu hol takrorlanishi mumkin.
Yevropaning eng uyushgan va tartibli jamoasi yorqin va hujumkor jamoaga qarshi. Ko‘pchilik “Yuve”ni so‘zsiz favorit deb hisoblashmoqda, ammo aytib o‘tish lozimki ularni osongina sayr kutib turgani yo‘q. “Monako” hech qanday bosim sezmayabdi va finalda o‘ynash uchun bor kuchini ko‘rsatadi.
O‘tgan bosqichda turinliklar “Barselona”ni yengan bo‘lsa, Buffon MNS triosidan to‘p o‘tkazmadi. “Monako” esa bu yo‘lda “Borussiya”ni ortda qoldirib 6 ta to‘p kiritgan. Shu kabi “Siti”ga ham 6 ta gol kiritishgan edi. “Yuventus” umuman boshqa falsafaga ega va himoya chizig‘i juda mustahkam. Allegri jamoasi sifatli va samarali himoyalanishni bilishadi. Tarkibida Mbappe, Falkao, Bernardu Silva va boshqa quvnoq tarkibga ega “Monako” shu himoyani sinovdan o‘tkazadi.
O‘yin 23:45 da start oladi. Bosh hakam Antonio Mateu Laos.