“Bunyodkor” – “Metallurg” uchrashuvidank keyingi matbuot anjumanining ikkinchi qismida “qaldirg‘ochlar” ustozi qatnashdi.
- Qiziqarli o‘yin guvohi bo‘ldik. Biroq ba’zi jabhalarda tushunarsiz o‘yin o‘tkazdik. Biz yuta olmadik. Biz ham, “Metallurg” ham yutib ketishi mumkin edi. Umuman olganda, raqib munosib qarshilik ko‘rsatdi. Shunday ekan, durang adolatli natija bo‘ldi, deya olaman. Eldor Shomurodovning zaxirada qolishining sababi shuki, u avvalgi uchrashuvda juda bo‘sh o‘ynagan edi. Shu bois unga dars bo‘lsin deb asosiy tarkibga kiritmagan edim.
Ha, jamoamizda ba’zi muammolar bor. G‘oliblik ruhi yetishmayapti. Kuni kecha jamoamiz rahbariyatida o‘zgarishlar amalga oshirildi. Ular bizni qo‘llab-quvvatlashlarini aytishdi. Umid qilamanki, o‘zgarishlarning bari “Bunyodkor” foydasi uchun xizmat qiladi, - deydi Sergey Lushchan.
