Moskvaning "Lokomotiv" klubi sobiq hujumchisi Oganes Goaryan Armaniston termasidagi jamoadoshi, "MYU" yarimhimoyachisi Genrix Mxitaryan haqida gapirdi.

"Ha, men sharqlik erkakman va hozirgacha yaxshi stol oldida o‘tirishni, mazali taomlar yeyishni va do‘stlarimni mehmon qilishni xush ko‘raman. Buning yomon tomoni yo‘q. Ammo sport borasida o‘zimni ortiqcha harakatga majburlay olmasdim.

Genrix Mxitaryanni misol qilib keltiraman. U bilan Armaniston termasida o‘ynaganmiz, bir xonada yashaganmiz. Yaqin do‘st edik. U juda tartibli yigit edi. Vaqtida uxlar va vaqtida taomlanar edi. Hammasi rejadagidek. Men esa televizor ko‘rib, tonggi soat to‘rtda yotar edim. Kimdir cho‘qqiga erishadi, kimdir esa...

Ammo Armanistonda mening Mxitaryanda ancha iqtidorli bo‘lganimni haligacha gapirishadi. Buni agar uning o‘zidan so‘rasangiz ham aytishi mumkin. Biz gaplashib turamiz, u menga buni eslatib turadi. Endi esa, u "MYU"da o‘ynamoqda. Qachonlardir ikki yuz dollar ishlab topgan, endi esa - million yevro.

Mxitaryan har jabhada ideal edi. O‘qishda, do‘stlikda, futbolda. U haqida qiziqroq voqea ham eslolmaysan. U sang‘imasdi. Mashg‘ulot - uy. Kechqurun do‘stlari bilan uchrashgani chiqishi mumkin edi. "Kechqurun" deganda men kechki soat 5-6 ni nazarda tutyapman.

U otasini yo‘qotganidan so‘ng o‘z oldiga maqsad qo‘ydi va o‘zini shunga bag‘ishladi. Bunday odamlar kam. Biri - mening otam edi. U ham xuddi shunday tartibli edi", - deydi Goaryan.