Oliy ligada 9-tur o‘yinlari yakuni yetdi. Ushbu turda ham muxlislar bir-biridan qiziqarli bo‘lgan bahslarning guvohiga aylanishdi. Ayniqsa, Qo‘qonda o‘tgan “Qo‘qon-1912” – “Paxtakor” uchrashuviga bo‘lgan qiziqish juda yuqori edi. O‘yin shunga monand tarzda jangovor ruhda o‘tdi.
Har ikki bo‘limlarning beshinchi daqiqasida kiritilgan gollar natijasida uchrashuv 1:1 hisobida yakun topdi.
Odatga ko‘ra, uchrashuv poyoniga yetgach, eng yaxshi o‘ynchilar ma’lum qilindi. Unga ko‘ra, Qo‘qondagi bahsda eng yaxshilar sifatida – Nosir Otaqo‘ziyev va Sherzod Karimovlar tan olinishdi.
Hakamlar hujjatidan ko‘chirma
Oliy liga
9-tur
«Qo‘qon-1912» (Qo‘qon) – «Paxtakor» (Toshkent) – 1:1 (1:0)
Qo‘qon. 10320 tomoshabin.
Hakamlar: R. Bobomurodov (Navoiy) – 8,0, R. Fozilov (Namangan) – 7,7, M. Majidov (Namangan) – 8,2, D. Jalimov (Toshkent. vil.) – 8
Nazoratchi: A. Xotamov (Toshkent).
O‘zPFL vakili: A. Frolov.
Gollar: N. Otaqo‘ziyev (5) – A. Ismatullayev (50).
Ogohlantirishlar: D. Hoshimov (60), A. Ahmedov (64), SH. Karimov (barchasi-«Paxtakor», 77).
Eng yaxshi o‘yinchilar: N. Otaqo‘ziyev – SH. Karimov.
