O‘zbekiston U-21 terma jamoasi shu yilning 27 may kuni Rossiya U-21 termasiga qarshi o‘rtoqlik o‘yini o‘tkazishi haqida xabar berilgandi.
Mazkur o‘yinni dastlab Toshkentda o‘tkazish rejalashtirilgandi, biroq o‘rtoqlik uchrashuvini Olmaliq shahrida o‘tkazishga qaror qilindi. Bellashuv OKMK sport majmuasida 18:00 da boshlanishi ko‘zda tutilgan.
Tomonlar kelishuviga ko‘ra, bo‘lajak uchrashuvda har ikki jamoaning 1996–1997 yillarda tavallud topgan (yoki undan kichik bo‘lgan) futbolchilari ishtirok etadi.
Qayd etish joiz, Rossiyaning 1996 yilda tavallud topgan futbolchilardan iborat U-16 termasi 2012 yili Yevropa chempioni bo‘lgan. O‘sha yili O‘zbekiston U-16 Osiyo chempionatida g‘olib bo‘lgandi.
