O‘z vaqtida OFK tasarrufidan chiqib ketgan Qozog‘iston futbol federasiyasi UYEFAdan 1 million yevro oladi. Bu haqda Qozog‘istonning «Vesti» nashri xabar berdi.
UYEFA o‘ziga a’zo mamlakat futbol federasiyalarining har biriga 1 million yevrodan pul o‘tkazib berishga qaror qilgan. Bu haqda tashkilot rasmiy sayti axborot bergan. Yangi saylangan prezident Aleksander Cheferin bayonotiga ko‘ra, bunday holat kelajakda ham amalda bo‘ladi.
Yevro—2016 musobaqsi UYEFA uchun katta daromad keltirdi. Har bir futbol assosiasiyasining 1 million yevrodan qabul qilib olishi, mana shu turnirdan kelib tushgan foyda evaziga rag‘batlantirish sifatida e’tirof etilgan.
Ma’lumot uchun, UYEFAga 55 mamlakat futbol federasiyalari a’zo hisoblanadi. Har to‘rt yilda bir marta o‘tadigan qit’aning eng yirik musobaqasiga bo‘lgan e’tibor kamida Fransiya—2016 dagi kabi bo‘lsa, UYEFA har to‘rt yilda 55 million yevroni o‘z a’zolariga shunchaki berib yuboraveradi.
