«Lion» Chempionlar ligasi saralash bosqichi pley-offining javob uchrashuvida o‘z maydonida «Fenerbaxche»ga 1:2 hisobida mag‘lub bo‘ldi.
Mehmonlar safida hisobni 24-daqiqada Vedat Murich ochdi. Oradan to‘rt daqiqa o‘tib, Archi Braun Turkiya klubining ustunligini ikki to‘pga yetkazdi.
Ikkinchi bo‘limda «Lion» bitta golni qaytarishga muvaffaq bo‘ldi. 61-daqiqada Malik Fofana raqib darvozasini ishg‘ol qildi.
Jamoalar o‘rtasidagi dastlabki uchrashuv 1:1 hisobidagi durang bilan yakunlangan edi.
Shu tariqa, ikki o‘yin natijasiga ko‘ra «Fenerbaxche» Chempionlar ligasining umumiy bosqichiga yo‘l oldi. «Lion» esa Yevropa ligasida ishtirok etadi.
