Oliy liga 10-turidan o‘rin olgan «Dinamo» - «Nasaf» (1:1) o‘yinidan so‘ng, mehmonlar ustozi Ro‘ziqul Berdiyev o‘z fikrlarini aytdi.

«Dinamo»ni hurmat qilgan holda aytaman, bizda katta ustunlik bo‘ldi va biz yaxshi o‘ynadik. O‘yin to‘liq ustunligimizda o‘tdi, birinchi golni o‘tkazib yuborib, tashabbusni qo‘ldan berdik. Ikkinchi bo‘limda o‘yinda burilish yasadik.

Bugun ikki ochko yo‘qotdik, birga bir vaziyatda va bo‘sh qolgan darvozaga gol urolmadik, natijadan qoniqmadim futbolchilarning harakatidan qoniqdim.

Dinamo yosh jamoa, bizdayam yosh o‘yinchilar o‘ynayapti, gol urgan o‘yinchimiz 1996 yil. Endi bularni yosh demaslik kerak, ayni kuchga to‘lgan payti bu yigitlarni.

Bir hujumchi taktikasida o‘ynagan bo‘lsak ham juda ko‘p vaziyatlar yarata oldik, ammo «Dinamo»ga omad kulib boqdi.

«Barselona»ga taqqos uchun rahmat, ulardek o‘ynay olmaymizk, biroq taktikamiz shu, to‘pga ko‘proq egalik qilish.

Haqiqatdan ham bu yilgi chempionat har yilgisidan boshqacha o‘tmoqda, qiziyapti. Dinamo, Navbahor va Qo‘qon kabi jamoalar grandlar bilan teng o‘ynamoqda. Bunga sabab o‘rtamiyona jamoalar o‘ynaydigan shaharlarda ham futbolga e’tibor kuchayganidan» - dedi Berdiyev.