Олий лига 10-туридан ўрин олган «Динамо» - «Насаф» (1:1) ўйинидан сўнг, меҳмонлар устози Рўзиқул Бердиев ўз фикрларини айтди.

«Динамо»ни ҳурмат қилган ҳолда айтаман, бизда катта устунлик бўлди ва биз яхши ўйнадик. Ўйин тўлиқ устунлигимизда ўтди, биринчи голни ўтказиб юбориб, ташаббусни қўлдан бердик. Иккинчи бўлимда ўйинда бурилиш ясадик.

Бугун икки очко йўқотдик, бирга бир вазиятда ва бўш қолган дарвозага гол уролмадик, натижадан қониқмадим футболчиларнинг ҳаракатидан қониқдим.

Динамо ёш жамоа, биздаям ёш ўйинчилар ўйнаяпти, гол урган ўйинчимиз 1996 йил. Энди буларни ёш демаслик керак, айни кучга тўлган пайти бу йигитларни.

Бир ҳужумчи тактикасида ўйнаган бўлсак ҳам жуда кўп вазиятлар ярата олдик, аммо «Динамо»га омад кулиб боқди.

«Барселона»га таққос учун раҳмат, улардек ўйнай олмаймизк, бироқ тактикамиз шу, тўпга кўпроқ эгалик қилиш.

Ҳақиқатдан ҳам бу йилги чемпионат ҳар йилгисидан бошқача ўтмоқда, қизияпти. Динамо, Навбаҳор ва Қўқон каби жамоалар грандлар билан тенг ўйнамоқда. Бунга сабаб ўртамиёна жамоалар ўйнайдиган шаҳарларда ҳам футболга эътибор кучайганидан» - деди Бердиев.