"Qo‘qon-1912" va "Buxoro"ga qarshi uchrashuvlarda "Paxtakor"ning ikki futbolchisi Oliy ligadagi birinchi gollarini urishdi.

Tayanch yarim himoyachisi Akbar Ismatullayev shu paytga qadar ko‘plab gollarga hammualliflik qilgan, ammo o‘zi to‘p kirita olmay kelayotgandi. Nihoyat 148-uchrashuvda u oliy ligada ilk golini urdi. Qo‘qonda yarim himoyachi to‘p kiritdi. Bundan keyin u ishqibozlarni gollari va ajoyib to‘p oshirishlari bilan xursand qilishda davom etishiga umid qilamiz.

Hujumkor yarim himoyachi Suhrob Nurullayevga birinchi gol uchun 12 bellashuv kifoya qildi. U "Buxoro" bilan uchrashuvda ilk golini nishonladi.