Turning e’tiborli uchrashuvlaridan birida «Dinamo» Samarqandda «Nasaf» bilan bahsda g‘alabani qo‘ldan chiqardi.
Uchrashuvdan oldin «Dinamo»ga jarohati bois Mirkomil Lokayev Radu Rogak, diskvalifikasiya tufayli esa Shoxrux Xolmatovlar yordam bera olishmadi.
O‘yinning dastlabki bo‘limida «Dinamo» hisobni ochdi. 43-daqiqada Jasur Azimov jarima maydoni oldida Orif Mamajonov bilan kombinasiya tashkil etib, ajoyib zarbasi bilan darvoza «to‘qqizligi»ni nishonga oldi, 1:0.
Ikkinchi bo‘limda esa mehmonlar muvozanatni tiklash uchun hujumkorlikka zo‘r berishdi. Natijada 65-daqiqada bosh hakam jarima maydoni tashqarisida jarima zarbasini belgiladi. Aziz Faniyev tomonidan yo‘llangan zarba darvozadan o‘rin oldi, 1:1.
O‘yin yakuniga qadar har ikki tomonda ham vaziyatlar yuzaga kelgan bo‘lsada, hisob boshqa o‘zgarmadi.
Oliy Liga. 10-tur.
«Dinamo» (Samarqand) – «Nasaf» (Qarshi) 1:1
Samarqand, 10 100 tomoshabin.
Hakamlar: I. Tantashev (Buxoro), H. Shodmonov (Buxoro), A. Qo‘ldoshev (Buxoro), A. Lupashko (Toshkent)
Nazoratchi: F. Abdullayev (Toshkent).
O‘zPFL vakili: A. Frolov.
Gollar: Jasur Azimov 43, - 1:0. Aziz G‘aniyev 65, - 1:1.
"Dinamo": 1.Mixail Naumov, 3.Bunyod Isroilov, 5.Firdavs Abdusalimov, 6.Akmal Bozorov(c), 8.Jasur Azimov (11.Abdumalik Abdullayev, 72), 9.Sardor Sulaymonov (17.Aleksey Nikolayev, 88), 10.Javohir Qahramonov (23.Komil Sharofutdinov, 80), 19.Damir Nizamov, 19.Orifjon Mamajonov, 20.Amirjon Safarov, 22.Abdujamol Isroilov.
"Nasaf": 25.Eldor Suyunov, 2.Akmal Shorahmedov, 6.Aziz G‘aniyev, 7.Odiljon Hamrobekov, 15.SHahboz Erkinov (10.Dilshod Rahmatullayev, 71), 18.Bahrom Abdurahimov, 22.Igor Golban, 23.SHerzod A’zamov (c), 27.Islom Rashidxonov (14.SHarof Muhiddinov, 59), 34.Farruh Sayfiyev, 69.Dragan Cheran.
