Gollandiyaning «Feyenoord» klubi so‘nggi marta 1999 yil mamlakat chempionligini qo‘lga kiritgan bo‘lib, shundan keyin kattagina tanaffusga chiqqandi.
Oradan 18 yil o‘tib Rotterdam klubi yana taxtga qaytdi. Chempionatning so‘nggi turida «Herakles» klubini 3:1 hisobida taslim qilgan jamoa o‘z muxlislariga katta bayram tortiq qildi.
Aslida chempionlik bir tur avval nishonlanishi ham mumkin edi. Biroq «Feyenoord» futbolchilari o‘rtamiyona klubga 0:3 hisobida imkoniyatni boy berib qo‘ydi. Oqibatda rotterdamlik muxlislar junbushga kelib, shahar ko‘chalarini tartibsiz ko‘rinishga keltira boshlagandi. So‘nggi tur esa ularning orzusi baribir ushaldi.
