Angliya premyer ligasi maydonda mug‘ombirlik qilgan futbolchilarni videoyozuv orqali aniqlab, jazolash tizimini yo‘lga qo‘yish haqida qaror chiqarishni rejalashtirmoqda.
The Sun xabariga ko‘ra, bugun Angliya futbol uyushmasi rahbariyati bu tadbir yuzasidan ovoz berish jarayonini o‘tkazadi.
Rejaga ko‘ra, maxsus komissiya har dushanba kuni simulyasiya va mug‘ombirlikda gumonlangan futbolchilar bilan bog‘liq vaziyatlarning videolavhasini o‘rganib chiqadi. Bu tizim ayni paytda Shotlandiyada amalda qo‘llanilyapti.
Agar bu haqda qaror qabul qilinsa, tizim keyingi mavsumdanoq APL o‘yinlarida qo‘llanadi.