Англия премьер лигаси майдонда муғомбирлик қилган футболчиларни видеоёзув орқали аниқлаб, жазолаш тизимини йўлга қўйиш ҳақида қарор чиқаришни режалаштирмоқда.
The Sun хабарига кўра, бугун Англия футбол уюшмаси раҳбарияти бу тадбир юзасидан овоз бериш жараёнини ўтказади.
Режага кўра, махсус комиссия ҳар душанба куни симуляция ва муғомбирликда гумонланган футболчилар билан боғлиқ вазиятларнинг видеолавҳасини ўрганиб чиқади. Бу тизим айни пайтда Шотландияда амалда қўлланиляпти.
Агар бу ҳақда қарор қабул қилинса, тизим кейинги мавсумданоқ АПЛ ўйинларида қўлланади.
