Бугун, 10 май куни Испания Ла Лигасининг 35-тури доирасида мавсумнинг энг муҳим ўйинларидан бири бўлиб ўтади. Унда «Барселона» ўз майдонида Мадриднинг «Реал» клубига қарши баҳс олиб боради.

Ушбу учрашув Испания чемпионати тақдирини ҳал қилиши мумкин. Каталонияликларга муддатидан олдин чемпионликни расмийлаштириш учун бугунги баҳсда мағлуб бўлмасликнинг ўзи кифоя қилади.

The Touchline нашрининг журналист Карлос Монфортга таяниб хабар беришича, мезбонлар вингери Рафинья ҳали тўлиқ соғайиб улгурмагани сабабли асосий таркибда майдонга тушмаслиги мумкин. «Кўк-анорранглилар»нинг мазкур баҳс учун тахминий таркиби қуйидагича кўриниш олган: Жоан Гарсия, Эрик Гарсия (ёки Кунде), Кубарси, Мартин, Канселу, Педри, Гави, Ольмо, Лопес, Барджи ва Левандовски.

Эслатиб ўтамиз, «Барселона» ва «Реал Мадрид» ўртасидаги учрашув Тошкент вақти билан соат 00:00 да (11 майга ўтар кечаси) бошланади.