Мадриднинг «Реал» клуби собиқ дарвозабони Икер Касильяс жамоа ярим ҳимоячилари Федерико Вальверде ва Орельен Тчуамени ўртасида юзага келган муштлашув борасида ўз фикрларини билдириб ўтди.
«Ҳар қандай муаммони ҳал қилиш мумкин. Бундай ҳолатлар кийиниш хонасида учраб туради, бизнинг давримизда ҳам бўлган. Бу шундай пайтда юз берадики, атрофдаги ҳамма нарса одамнинг ғазабини қўзғайди. Ҳар бир нарсанинг ўз цикли бор. «Реал» аввалги мавсумларда эришган муваффақиятли даврлар каби, ҳозир бироз мураккаб босқич етиб келди», — дея Касильяснинг сўзларини келтирмоқда Diario AS.
