WSB - Jahon boks seriyasining chorak finalida bugungi kunda dunyoda yetakchilik qilayotgan O‘zbekiston va Kuba terma jamoalari o‘zaro to‘qnash kelishadi.
Ushbu qarama-qarshilik yashirin final deb e’tirof etilyapti. Samarqand shahrida o‘tkazilgan birinchi to‘qnashuvda ikkala jamoa safida olimpiya o‘yinlari chempionlari va sovrindorlari ishtirok etishdi. Keskin to‘qnashuvda “Uzbek Tigers” jamoasi amaldagi chempionlarni 3:2 hisobida mag‘lubiyatga uchratdi.
Ertaga Toshkent vaqti bilan 20 may shanba tongida, soat 05:30da “Cuba Domadores”- “Uzbek Tigers” javob uchrashuvlari o‘tkaziladi.
UZREPORT TV “Cuba Domadores”- “Uzbek Tigers” janglarini jonli efirda namoyish etadi.
Translyasiyani taniqli sport sharhlovchisi Davron Fayziyev sharhlab boradi.
Gavana shahrida o‘tkaziladigan bahslarda Jasurbek Latipov, Elnur Abduraimov, Shahram G‘iyosov, Bektemir Meliqo‘ziyev, Bahodir Jalolov hamda qo‘shimcha jang ehtimoli yuzaga kelsa Mirzobek Hasanov himoya qilishadi.
