WSB - Жаҳон бокс сериясининг чорак финалида бугунги кунда дунёда етакчилик қилаётган Ўзбекистон ва Куба терма жамоалари ўзаро тўқнаш келишади.
Ушбу қарама-қаршилик яширин финал деб эътироф этиляпти. Самарқанд шаҳрида ўтказилган биринчи тўқнашувда иккала жамоа сафида олимпия ўйинлари чемпионлари ва совриндорлари иштирок этишди. Кескин тўқнашувда “Uzbek Tigers” жамоаси амалдаги чемпионларни 3:2 ҳисобида мағлубиятга учратди.
Эртага Тошкент вақти билан 20 май шанба тонгида, соат 05:30да “Cuba Domadores”- “Uzbek Tigers” жавоб учрашувлари ўтказилади.
УЗРEПОРТ ТВ “Cuba Domadores”- “Uzbek Tigers” жангларини жонли эфирда намойиш этади.
Трансляцияни таниқли спорт шарҳловчиси Даврон Файзиев шарҳлаб боради.
Гавана шаҳрида ўтказиладиган баҳсларда Жасурбек Латипов, Элнур Абдураимов, Шаҳрам Ғиёсов, Бектемир Мелиқўзиев, Баҳодир Жалолов ҳамда қўшимча жанг эҳтимоли юзага келса Мирзобек Ҳасанов ҳимоя қилишади.
