O‘zbekiston Kubogining 1/8 final bosqichidan o‘rin olgan “Mash’al” – “Yozyovon-Lochinlari” (5:0) uchrashuvidan so‘ng, mehmonlar jamoasi boshlig‘i Salim Zokirov o‘z fikrlarini bildirib o‘tdi.
«Birinchi va Oliy liga o‘rtasidagi tafovut mana shunday o‘yinlarda ham bilinadi. Hozir bizning jamoa juda qiyin ahvolni boshidan o‘tkazmoqda. Chunki klub rahbari jamoaning moddiy texnik bazasini yaxshilash bilan ovora. Shuning uchun rahbarlarning diqqati shunga qaratilgan. Qolaversa, Yozyovondagi stadion ham ancha eskirgan. Umuman zamon talablariga javob bermaydi. Ayni paytda bizning stadionda ham ta’mirlash ishlari olib borilmoqda. Ikkinchi davradan PFL talablariga javob beradigan o‘yingohdan foydalanamiz.
Bugun 10 soat yo‘l bosib keldik. Shuning uchun futbolchilar 20 daqiqa futbol o‘ynay olishdi xolos. 20 daqiqadan so‘ng ular maydonda shunchaki ishtirokchi sifatida yurishdi» - dedi Zokirov.
