Angliya Premyer ligasi klublarining 2015/16 mavsumdagi moliyaviy natijalari ma’lum qilindi.
The Guardian xabariga ko‘ra, klublar jami 4,17 mlrd yevro daromad olgan. Bu esa avvalgi mavsumga qaraganda 228 mln yevro ziyoddir.
Eng ko‘p daromadga «MYU» klubi erishgan – 588 mln yevro. «Manchester Siti» undan 140 mln yevro kam daromad olgan.
Shuningdek, klublar futbolchilarning va boshqa xodimlarning maoshiga 2,569 mlrd yevro sarflagan. Bu esa yangi rekorddir.
2016/17 mavsumida klublarning daromadi yanada oshishi kutilmoqda. Premyer liganing Britaniya kanallari bilan tuzgan shartnomasiga ko‘ra, klublar uch yil davomida 9,6 mlrd yevro mukofot oladi. Bu esa ularning daromadini 60 foizga oshiradi.
