Англия Премьер лигаси клубларининг 2015/16 мавсумдаги молиявий натижалари маълум қилинди.
The Guardian хабарига кўра, клублар жами 4,17 млрд евро даромад олган. Бу эса аввалги мавсумга қараганда 228 млн евро зиёддир.
Энг кўп даромадга «МЮ» клуби эришган – 588 млн евро. «Манчестер Сити» ундан 140 млн евро кам даромад олган.
Шунингдек, клублар футболчиларнинг ва бошқа ходимларнинг маошига 2,569 млрд евро сарфлаган. Бу эса янги рекорддир.
2016/17 мавсумида клубларнинг даромади янада ошиши кутилмоқда. Премьер лиганинг Британия каналлари билан тузган шартномасига кўра, клублар уч йил давомида 9,6 млрд евро мукофот олади. Бу эса уларнинг даромадини 60 фоизга оширади.
