"Arsenal"ning sobiq darvozaboni Devid Simen "kanonirlar" bosh murabbiyi Arsen Vengerning jamoada qolishidan mamnunligini aytdi.
"Arsenning yana ikki yillik shartnoma imzolaganinidan xursandman. U bu vazifa uchun ma’lum darajada ideal inson. Ammo o‘zgartirish kerak bo‘lgan ishlar bor. Biz yana top saviyadagi o‘yinchilarni taklif qilishimiz kerak. Buning uchun maosh to‘lash tizimini o‘zgartirish lozim.
Sanches va O‘zil bilan Fabregas, Klishi hamda Nasriga bo‘lgan munosabatni takrorlamaslik kerak. Ular ajoyib o‘yinchilar edi, boshqa klublar ularga katta pul taklif qildilar, ular esa ketishdi. "Chelsi", "Manchester Siti" va "Manchester Yunayted" ajoyib moliyaviy ko‘makka ega, biz esa biroz ortda qoldik. Ular o‘yinchilarni taklif qilishmoqda, biz ham buni boshlashimiz kerak", - deydi Simen.