"Арсенал"нинг собиқ дарвозабони Дэвид Симэн "канонирлар" бош мураббийи Арсен Венгернинг жамоада қолишидан мамнунлигини айтди.
"Арсеннинг яна икки йиллик шартнома имзолаганинидан хурсандман. У бу вазифа учун маълум даражада идеал инсон. Аммо ўзгартириш керак бўлган ишлар бор. Биз яна топ савиядаги ўйинчиларни таклиф қилишимиз керак. Бунинг учун маош тўлаш тизимини ўзгартириш лозим.
Санчес ва Ўзил билан Фабрегас, Клиши ҳамда Насрига бўлган муносабатни такрорламаслик керак. Улар ажойиб ўйинчилар эди, бошқа клублар уларга катта пул таклиф қилдилар, улар эса кетишди. "Челси", "Манчестер Сити" ва "Манчестер Юнайтед" ажойиб молиявий кўмакка эга, биз эса бироз ортда қолдик. Улар ўйинчиларни таклиф қилишмоқда, биз ҳам буни бошлашимиз керак", - дейди Симэн.
