Angliya Premyer ligasi 2019/20 yilgi mavsumdan boshlab, yakshanba kungi o‘yinlarning o‘tkazilish vaqtini o‘zgartirmoqchi.

Yangi taqvimga ko‘ra, turning kamida ikkita o‘yini mahalliy soat 11:30 yoki 12:00da boshlanishi ko‘zda tutilmoqda. Bundan maqsad, Osiyo mamlakatlaridagi muxlislar uchun qulaylik tug‘dirish va auditoriyani yanada kengroq qamrab olishdir, deb xabar bermoqda Daily Mail.

Hozircha, bu o‘zgarishga ingliz klublarining munosabati ma’lum qilinmadi. O‘yinlar vaqtini oldinga surilishi Angliyaning o‘zidagi muxlislar, shuningdek, klublarning noroziligiga sabab bo‘lishi mumkin.