Англия Премьер лигаси 2019/20 йилги мавсумдан бошлаб, якшанба кунги ўйинларнинг ўтказилиш вақтини ўзгартирмоқчи.
Янги тақвимга кўра, турнинг камида иккита ўйини маҳаллий соат 11:30 ёки 12:00да бошланиши кўзда тутилмоқда. Бундан мақсад, Осиё мамлакатларидаги мухлислар учун қулайлик туғдириш ва аудиторияни янада кенгроқ қамраб олишдир, деб хабар бермоқда Daily Mail.
Ҳозирча, бу ўзгаришга инглиз клубларининг муносабати маълум қилинмади. Ўйинлар вақтини олдинга сурилиши Англиянинг ўзидаги мухлислар, шунингдек, клубларнинг норозилигига сабаб бўлиши мумкин.
