Oliy liganing 13-turidan o‘rin olgan uchrashuvlarning birida “Bunyodkor” va “Qo‘qon-1912” klublari Toshkentda to‘qnash kelishadi. Mazkur o‘yinga oid statistik ma’lumotlar bilan tanishing.
O‘zaro o‘yinlar
Bu jamoalar Oliy ligada bugunga qadar to‘rt marta ro‘baru kelishgan.
Uchrashuvlarning barchasida “Bunyodkor” g‘alabaga erishgan. Hozirga qadar qo‘qonliklar gol urolmagan klub – “Bunyodkor” bo‘lib turibdi. To‘rtta uchrashuvdan beri qo‘qonliklar “Bunyodkor” darvozasiga yo‘l topa olishmayapti.
“Qo‘qon-1912” chempionatni yuqori suratda davom ettirmoqda. No‘’mon Hasanov shogirdlarining chempionat doirasidagi mag‘lubiyatsiz seriyasi 100 kundan oshganini e’tirof etish joiz.
Toshkentdagi bahsni Agishev boshqaradi
16 iyun kuni bo‘lib o‘tadigan “Bunyodkor” – “Qo‘qon-1912” uchrashuvini Vadim Agishev boshchiligidagi hakamlar boshqarib boradigan bo‘lishdi.
Bungacha ushbu hakam qo‘qonliklarning bitta uchrashuvida ishlagan. Agishev 14 aprel kuni bo‘lib o‘tgan “Mash’al” – “Qo‘qon-1912” o‘yinini boshqargan.
Oliy liga, 13-tur
16 iyun, juma
«Bunyodkor» (Toshkent) – «Qo‘qon-1912» (Qo‘qon)
Hakamlar: V. Agishev (Toshkent), A. Rasulov (Toshkent), J. Saidov (Toshkent), K. Rasulov (Qarshi)
Nazoratchi: I. Nexochin (Namangan).
O‘zPFL vakili: F. Magametov.
Boshlanish vaqtlari
“Bunyodkor” stadionida bo‘lib o‘tadigan uchrashuv 16 iyun kuni soat 19:00da start oladi. 15 iyun kuni esa ushbu jamoalarning o‘rinbosarlari o‘rtasidagi o‘yin bo‘lib o‘tadi. O‘rinbosarlar bahsi soat 18:00da boshlanadi.
