«Roma» sport direktori Ramon «Monchi» klub yangi mavsumda yuqori o‘rinlar uchun kurashishini va futbolchilarni sotmasligini aytdi.
«Biz futbolchilarni sotmoqchi emasmiz. Yangi murabbiyga raqobatbardosh jamoani bermoqchimiz. Saloh va Ryudigerga keladigan bo‘lsak, ular bo‘yicha taklif olganmiz. Angliyaning bir klubi Saloh bilan juda qiziqqan edi, ammo biz adolatli narx taklif qildik.
Ryudiger qoladi, u hech qayerga ketmaydi. Oldin ham aytganman, «Roma» - supermarket emas. Biz futbolchilarimizni sotmaymiz. Yangi mavsumda eng yuqori o‘rinlar uchun kurashamiz» - dedi Monchi Football Italia xabarida.
