«Рома» спорт директори Рамон «Мончи» клуб янги мавсумда юқори ўринлар учун курашишини ва футболчиларни сотмаслигини айтди.
«Биз футболчиларни сотмоқчи эмасмиз. Янги мураббийга рақобатбардош жамоани бермоқчимиз. Салоҳ ва Рюдигерга келадиган бўлсак, улар бўйича таклиф олганмиз. Англиянинг бир клуби Салоҳ билан жуда қизиққан эди, аммо биз адолатли нарх таклиф қилдик.
Рюдигер қолади, у ҳеч қаерга кетмайди. Олдин ҳам айтганман, «Рома» - супермаркет эмас. Биз футболчиларимизни сотмаймиз. Янги мавсумда энг юқори ўринлар учун курашамиз» - деди Мончи Football Italia хабарида.
