«Milan» bosh direktori Marko Fassone darvozabon Janluiji Donnarumma bilan bog‘liq vaziyatga oydinlik kiritdi.
«Biz Donnarummaning agenti Mino Rayola bilan uchrashdik. U shartnomani uzaytirmasligi haqida aytdi. Biz unga yaxshi taklif bergandik, ammo futbolchi shaxsiy va boshqa sabablarga ko‘ra o‘z xulosasini chiqardi.
Uning amaldagi shartnomasi 2018 yil yozida o‘z nihoyasiga yetadi. Shundan so‘ng u bizni tark etadi» - dedi Fassone.
Avvalroq, «Rossoneri» 18 yoshli posbonga 4,5 mln yevro maosh taklif qilgani, Rayola esa uning tovon pulini 10 mln yevro qilib belgilashni talab qilgani haqida xabar berilgandi.
