«Милан» бош директори Марко Фассоне дарвозабон Жанлуижи Доннарумма билан боғлиқ вазиятга ойдинлик киритди.
«Биз Доннарумманинг агенти Мино Райола билан учрашдик. У шартномани узайтирмаслиги ҳақида айтди. Биз унга яхши таклиф бергандик, аммо футболчи шахсий ва бошқа сабабларга кўра ўз хулосасини чиқарди.
Унинг амалдаги шартномаси 2018 йил ёзида ўз ниҳоясига етади. Шундан сўнг у бизни тарк этади» - деди Фассоне.
Аввалроқ, «Россонери» 18 ёшли посбонга 4,5 млн евро маош таклиф қилгани, Райола эса унинг товон пулини 10 млн евро қилиб белгилашни талаб қилгани ҳақида хабар берилганди.
