Toshkentning «Paxtakor» klubi bugun — 23 iyun kuni bosh murabbiy Shota Arveladzeni va jamoaning yangi futbolchisi Marko Simichni jamoatchilikka rasman tanishtirdi.

«Tribuna.uz» muxbiri bergan ma’lumotga ko‘ra, «Rostov» klubidan transfer qilingan bu chernogoriyalik futbolchi bilan 2,5 yillik shartnoma tuzildi, bu shartnoma keyinchalik uzaytirilishi mumkin.

Simich «Rostov»ga qadar Belarus, Bolgariya, Serbiya, Vengriya klublarida, shuningdek, Turkiyaning «Keyserispor», Isroilning «Xapoel T-A» klublarida to‘p surgan. Chernogoriya milliy termasiga 2013 yilda jalb qilingan himoyachi hozirga qadar 21 ta uchrashuvda maydonga tushgan.

transfermartkt.de Marko Simichning transfer qiymatini 1,8 million yevro etib belgilagan.