Madridning “Real” klubi hujumchisi Karim Benzema jamoada vise-sardor qilib tayinlanishi mumkin.

Bu haqda Marca nashri xabar tarqatdi.

Eslatib o‘tamiz, “qirollik klubi”ning sardori Serxio Ramos, uning o‘rinbosari esa – Marselo. Ikkinchi vise-sardor esa Pepe hisoblanardi, ammo portugaliyalik futbolchi shartnomasini yakuniga yetkazib, Madridni tark etdi. Endi Zidan Ramosning o‘rnini bosa oladigan sardorni tanlashi kerak bo‘ladi.

Manbaning ma’lumotiga ko‘ra, fransiyalik mutaxassis vise-sardorlikka Krishtianu Ronaldu yoki Karim Benzemadan birining nomzodini tanlaydi. Agar Ronaldu “Real”ni tark etadigan bo‘lsa, Zidan shubhasiz Benzema nomzodiga tayanadi.