Madridning «Real» klubi yangi bosh murabbiyi Joze Mourinyo Endrikni porloq kelajak kutayotganiga ishonadi. Portugaliyalik mutaxassis yosh hujumchi bilan ish boshlashni intiqlik bilan kutmoqda, deb xabar beradi insayder Fabrisio Romano.
«The Special One» braziliyalik futbolchining asosiy tarkibdan mustahkam joy egallashga va vaqt o‘tishi bilan uning qo‘l ostida «Real»ning asosiy figuralaridan biriga aylanishga qodir, deb hisoblaydi. Shu bilan birga, manbaning qayd etishicha, murabbiy futbolchidan ham hujum markazida, ham vinger pozisiyasida foydalanishni rejalashtirmoqda.
Eslatib o‘tamiz, Endrik ortda qolgan mavsumning ikkinchi yarmini Fransiyaning «Lion» klubida ijarada o‘tkazdi va u yerda 21 ta uchrashuvda maydonga tushib, 8 ta gol urdi hamda 8 ta golli uzatmani amalga oshirdi.
