Oliy liga 15-turidan o‘rin olgan “Olmaliq” – “Qo‘qon-1912” (0:0) uchrashuvidan keyin mehmonlar ustozi No‘’mon Hasanov o‘z fikrlarini bildirdi.   “Barchani hayit bayrami bilan tabriklayman. Jangovor o‘yin bo‘ldi. Durang adolatli bo‘ldi deb o‘ylayman. Birinchi davra yakunlandi. Oxirgi turlarda biz ancha qiynaldik. Kamchiliklarimizni ko‘rdik, davralar oralig‘ida yangi futbolchilar orqali kamchiliklarni to‘ldirmoqchimiz. Yil boshida maqsadimiz qo‘qonlik muxlislarini stadionga yig‘ish edi. Shukurki bu maqsadga erishdik. Jamoa oldiga hech qanday aniq maqsad qo‘yilmagan. Har bir o‘yinda g‘alaba uchun maydonga tushamiz mavsum oxirida qaysi o‘rindaligimizni ko‘ramiz”, – deydi No‘’mon Hasanov.