O‘zbekiston Kubogi chorakfinal dastlabki uchrashuvi doirasidagi «Dinamo» - «Mash’al» (0:1) o‘yinidan keyin, mezbonlar bosh murabbiyi Oleg Tyulkin fikrlari bilan o‘rtoqlashdi.
«O‘yin tizgini bizning qo‘limizda bo‘lsada, mana ikkinchi uchrashuvdirki «Mash’al» darvozasiga yo‘l topa olmadik. Jamoa kichik paslar orqali hujumlar tashkil etib, raqib himoyasini buzib o‘tishga intildi, ammo gohida darvozabon, gohida esa himoya chizig‘i gol urishimizga to‘sqinlik qildi. Qarshi hujumda esa raqibning kam sonli hujumlaridan birini o‘tkazib yubordik. Raqibning goli kutilmagan zarba evaziga kiritildi. Bugungi natijani o‘yinga mos deya olmayman. Oldindi hali imkoniyat bor ekan kurashishda davom etamiz. Muborakda o‘zimiz uchun kerakli natijaga erishish uchun mashg‘ulotlarda puxta tayyorgarlik ko‘rishga intilamiz. Yarim final masalasi Muborakda hal bo‘ladi. Bugungi mag‘lubiyat uchun muxlislardan uzr so‘rayman. Ular bizni qo‘llab-quvvatlab turishibdi. Javob bahsi ham qiziqarli bahs bo‘lishi aniq» - dedi Oleg Pavlovich Tyulkin.
