Ispaniyaning “Sevilya” klubi 5 nafar futbolchi bilan shartnomani bekor qilmoqchi. Bular himoyachi Benua Tremulinas, yarim himoyachi Samir Nasri va Matias Kranevitter, shuningdek, hujumchilar Lusiano Vyetto va Stevan Yovetichlardir.
Tremulinasdan boshqa to‘rttala futbolchining “Sevilya” bilan ijara shartnomasi muddati nihoyasiga yetadi. Fransuz futbolchisi esa kelishuvni cho‘zdirishi mumkin. Shuningdek, “Sevilya”da Yovetich va Vyettoni 14 va 20 million yevro evaziga butunlay sotib olish imkoni mavjud. Biroq argentinalik futbolchi jamoada qolishni istamayapti. Chernogoriyalik hujumchiga esa “Inter” qiziqish bildirmoqda. Demak, uning ham “Sevilya”dan ketish ehtimoli bor.
