Испаниянинг “Севилья” клуби 5 нафар футболчи билан шартномани бекор қилмоқчи. Булар ҳимоячи Бенуа Тремулинас, ярим ҳимоячи Самир Насри ва Матиас Краневиттер, шунингдек, ҳужумчилар Лусиано Вьетто ва Стеван Йоветичлардир.
Тремулинасдан бошқа тўрттала футболчининг “Севилья” билан ижара шартномаси муддати ниҳоясига етади. Француз футболчиси эса келишувни чўздириши мумкин. Шунингдек, “Севилья”да Йоветич ва Вьеттони 14 ва 20 миллион евро эвазига бутунлай сотиб олиш имкони мавжуд. Бироқ аргентиналик футболчи жамоада қолишни истамаяпти. Черногориялик ҳужумчига эса “Интер” қизиқиш билдирмоқда. Демак, унинг ҳам “Севилья”дан кетиш эҳтимоли бор.
