«Манчестер Сити» ҳимоячиси Йошко Гвардиол клубини ўзгартиришга тайёр.
24 ёшли футболчи Бундеслигага қайтишни истамоқда — уни «Бавария»га ўтиш варианти жуда ўзига жалб қилмоқда, дея хабар бермоқда «Bayern & Germany» нашри «Bild» журналистларига таяниб. Хорватиялик футболчининг атрофидагилар ҳам уни Мюнхенга кўчиб ўтишга ундамоқда.
«Бавария» Гвардиолга қизиқиш билдирмоқда, бироқ унинг нархи жиддий муаммо бўлиб қолмоқда: «шаҳарликлар» футболчи учун камида 70 миллион евро талаб қилишади. Шу сабабли, Германия чемпионлари музокараларга киришишдан олдин кимнидир сотишларига тўғри келади.
«Манчестер Сити» эса Гвардиол билан хайрлашишни унчалик хоҳламаяпти — унга аллақачон янги шартнома таклиф қилинган.
Маълумот ўрнида, ҳам марказда, ҳам қанотда ўйнашга қодир бўлган ушбу универсал ҳимоячи Англияга йўл олишдан олдин «РБ Лейпциг» шарафини ҳимоя қилган.
