Руминия пойтахти Бухарест шаҳрида шахмат бўйича Grand Chess Tour 2026 туркумига кирувчи халқаро турнирнинг иккинчи босқичи — Super Chess Classic мусобақасида 7-тур учрашувлари якунланди.
Ўзбекистонлик гроссмейстер Жавоҳир Синдаров мусобақа пешқадами, германиялик Винсент Кеймерга қарши баҳс олиб борди. Баҳснинг дебют қисмида тенглик кузатилган бўлса, германиялик гроссмейстер 25-29 юришлар оралиғида кичик хатоларга йўл қўйди. Натижада устунлик ўзбек шахматчиси томонига ўтди. Боз устига, ҳамюртимиз энг аниқ юришларни амалга ошира бошлади.
40-юришга келиб Синдаровнинг пиёдаларидан бири Фарзинга чиқиши аниқ бўлгач, Кеймерни мағлубиятни тан олди. Бу Жавоҳирнинг мусобақадаги илк ғалабаси ҳисобланади.
7-турдан сўнг Жавоҳир 3,5 очко билан 7-ўринни эгаллаб турибди. 8-турда Синдаров нидерландиялик Жорден ван Форестга қарши қора доналарда ўйин ўтказади.
