Ruminiya poytaxti Buxarest shahrida shaxmat bo‘yicha Grand Chess Tour 2026 turkumiga kiruvchi xalqaro turnirning ikkinchi bosqichi — Super Chess Classic musobaqasida 7-tur uchrashuvlari yakunlandi.
O‘zbekistonlik grossmeyster Javohir Sindarov musobaqa peshqadami, germaniyalik Vinsent Keymerga qarshi bahs olib bordi. Bahsning debyut qismida tenglik kuzatilgan bo‘lsa, germaniyalik grossmeyster 25-29 yurishlar oralig‘ida kichik xatolarga yo‘l qo‘ydi. Natijada ustunlik o‘zbek shaxmatchisi tomoniga o‘tdi. Boz ustiga, hamyurtimiz eng aniq yurishlarni amalga oshira boshladi.
40-yurishga kelib Sindarovning piyodalaridan biri Farzinga chiqishi aniq bo‘lgach, Keymerni mag‘lubiyatni tan oldi. Bu Javohirning musobaqadagi ilk g‘alabasi hisoblanadi.
7-turdan so‘ng Javohir 3,5 ochko bilan 7-o‘rinni egallab turibdi. 8-turda Sindarov niderlandiyalik Jorden van Forestga qarshi qora donalarda o‘yin o‘tkazadi.
