Chili terma jamoasi yarim himoyachisi Arturo Vidal Germaniyaga qarshi kechadigan Konfederasiyalar kubogi finali oldidan o‘z fikrlarini bildirdi.
“Barcha terma jamoalar finalga chiqishdan baxtli bo‘lishadi. Bunday baxt uchun esa ko‘proq mehnat qilish kerak. Germaniya terma jamoasi meni hayron qoldirgani yo‘q. Germaniya har qanday tarkibda kuchli. Ayniqsa, uning hozirgi ikkinchi tarkibi jismoniy jihatdan ancha kuchli ekanligini isbotladi. Biroq Konfederasiyalar kubogi biz uchun juda muhim. Demak, barcha futbolchilar yurakdan o‘ynashadi. Men bir narsani aniq bilaman, biz dunyodagi eng zo‘rimiz”.
