Eron rasmiylari «Bavariya»ning sobiq yarim himoyachisi va Eron terma jamoasining sobiq sardori Ali Karimiga tegishli ekani aytilayotgan oltita ko‘chmas mulk ob’ektini musodara qildi.
Sobiq futbolchi ayni damda xorijda istiqomat qiladi va Eronning amaldagi rahbariyatini tanqid qilib keladi. Karimi ijtimoiy tarmoqlarda norozilik namoyishlarini qo‘llab-quvvatlagan, shuningdek, 1979 yilgi Islom inqilobi natijasida ag‘darilgan monarxiya tuzumini tiklash tarafdori sifatida fikr bildirgan.
Avvalroq mamlakat hukumati milliy xavfsizlikka qarshi harakat qilayotgan shaxslarning mol-mulki, yanvar oyidagi namoyishlar hamda Isroil va AQSHga qarshi harbiy harakatlar fonida musodara qilinishi mumkinligi haqida bayonot bergan edi.
Mizan agentligining ma’lumotlariga ko‘ra, Karimiga tegishli bo‘lgan ikkita tijorat va to‘rtta turar joy ob’ekti «aniqlangan va sud qarori bilan xalq manfaati uchun musodara qilingan».
