Italiyalik mashhur darvozabon Dino Dzoff «Milan» posboni Janluiji Donnarummaga maslahat berdi.
«Hozir Donnarumma o‘z o‘yini ustida ishlashi kerak. Yoshlar o‘rtasidagi Yevropa chempionatida uning hayoli boshqa joyda ekani ko‘rinib turdi.
Donnarumma har qanday top-klubda o‘ynab keta oladi, biroq hali bunga erta. Unga «Milan»da qolib, inson va futbolchi sifatida o‘sishiga maslahat beraman» - dedi Dzoff.
Donnarummaning «Milan» bilan tuzgan shartnomasi 2018 yilgacha amal qiladi. Avvalroq, u jamoa bilan yangi shartnoma imzolashdan bosh tortgan edi.
