Италиялик машҳур дарвозабон Дино Дзофф «Милан» посбони Жанлуижи Доннаруммага маслаҳат берди.
«Ҳозир Доннарумма ўз ўйини устида ишлаши керак. Ёшлар ўртасидаги Европа чемпионатида унинг ҳаёли бошқа жойда экани кўриниб турди.
Доннарумма ҳар қандай топ-клубда ўйнаб кета олади, бироқ ҳали бунга эрта. Унга «Милан»да қолиб, инсон ва футболчи сифатида ўсишига маслаҳат бераман» - деди Дзофф.
Доннарумманинг «Милан» билан тузган шартномаси 2018 йилгача амал қилади. Аввалроқ, у жамоа билан янги шартнома имзолашдан бош тортган эди.
