«Kristal Pelas» klubi zararkunandalarga qarshi sarimsoqdan foydalanishi haqida muxlislarni ogohlantirdi.
Klub rasmiy saytining xabariga ko‘ra, «Selherst Park» stadioni chimini zararli hasharotlar va ularning lichinkalaridan asrash maqsadida sarimsoq eritmasi sepiladi. Stadionga yig‘ilgan tomoshabinlar esa o‘tkir sarimsoq hidiga chidashiga to‘g‘ri keladi.
O‘yingohdagi dastlabki uchrashuv o‘rtoqlik o‘yini maqomida bo‘lib, 5 avgust kuni «Shalke» klubiga qarshi o‘tkaziladi.
Eslatib o‘tamiz, zararkunandalarga qarshi sarimsoq eritmasidan foydalanishni «Man Siti» klubi boshlab bergan. Jamoa «Etihad» stadioni maydonidagi zararkunandalarga qarshi kurashish uchun shu ishni qilishga majbur bo‘lgan.